Usmon Yusupov

Usmon Yusupovich Yusupov
Oʻzbekiston Kompartiyasi Markaziy Qoʻmitasi Bosh Kotibi
	Mansab davri; 1937-yil 27-sentabr – 1950-yil aprelgacha
Oʻtmishdoshi	Akmal Ikromov
Vorisi	Amin Niyozov
Oʻzbekiston SSR Ministrlar Soveti Raisi
	Mansab davri; 1953-yil 7-aprel – 1954-yil 18-dekabrgacha
Oʻtmishdoshi	Nuriddin Muhiddinov
Vorisi	Nuriddin Muhiddinov
SSSR Paxtachilik Vaziri
	Mansab davri; 1950-yil 5-aprel – 1953-yil 15-martgacha
Oʻtmishdoshi	lavozim joriy etilgan
Vorisi	lavozim tugatilgan
Oʻzbekiston SSR Oliy Soveti Raisi
	Mansab davri; 1938-yil 17-iyul – 1938-yil 21-iyulgacha
Oʻtmishdoshi	lavozim joriy etilgan
Vorisi	Yoʻldosh Oxunboboyev (OʻzSSR Oliy Soveti Prezidiumi Raisi sifatida)
Oʻzbekiston KP(b) MQ Toshkent viloyati boʻyicha Tashkiliy Byurosining Bosh Kotibi
	Mansab davri; 1938-yil yanvar – 1938-yil iyungacha
Oʻtmishdoshi	lavozim joriy etilgan
Vorisi	lavozim tugatilgan; uning oʻzi, Oʻzbekiston KP(b) Toshkent obkomi (viloyat qoʻmitasi) Bosh Kotibi sifatida
Oʻzbekiston KP(b) Toshkent obkomi Bosh Kotibi
	Mansab davri; 1938-yil iyun – 1939-yilgacha
Oʻtmishdoshi	lavozim joriy etilgan; uning oʻzi, Oʻzbekiston KP(b) MQ Toshkent viloyati boʻyicha Tashkiliy Byurosining Bosh Kotibi sifatida
Vorisi	?
Oʻzbekiston SSR Oziq-ovqat sanoati Xalq komissari
	Mansab davri; 1936-yil dekabr – 1937-yil sentabrgacha
Shaxsiy maʼlumotlari
Tavalludi	1901-yil 18-fevral (1-mart); Kaftarxona qishlogʻi, Margʻilon uyezdi, Fargʻona viloyati, Rossiya imperiyasi
Vafoti	1966-yil 7-may (65 yosh) ; Yangiyoʻl, Toshkent viloyati, Oʻzbekiston SSR, SSSR
Fuqaroligi	SSSR
Millati	oʻzbek
Siyosiy partiyasi	VKP(b) (1926-yildan)

Usmon Yusupovich Yusupov (1-mart 1900, Fargʻona tumanidagi Kaptarxona qishlogʻi – 7-may 1966, Yangiyoʻl Toshkent) – davlat va siyosat arbobi. Mehnat faoliyatini 1916-yil Qovunchi (hozirgi Yangiyoʻl shahri)dagi paxta tozalash zavodida ishchilikdan boshlagan. Toshkent binokorlar uyushmasi raisi, kasaba uyushmalari Toshkent okrugi kengashi raisi (1926—1928). Oʻzbekiston Kompartiyasi MK kotibi (1928—1931), VSSPS Oʻrta Osiyo byurosi raisi (1931—1934). Oʻzbekiston SSR Oziq-ovqat sanoati xalq komissari (1936—1937), Oʻzbekiston Kompartiyasi MK 1-kotibi (1937—1950). SSSR Paxtachilik ministri (1950—1953), Oʻzbekiston SSR Ministrlar Soveti raisi (1953—1954), Mirzachoʻldagi „4-Boyovut“ va „2-Boyovut“ szlari^? va Yangiyoʻl tumanidagi „Xalqobod“ agrarsanoat birlashmasi direktori (1955—1966).

Usmon Yusupov respublikaga rahbar boʻlgan yillarda Oʻzbekistonda xalq hashari yoʻli bilan yirik suv inshootlari (Katta Fargʻona kanali, Kattaqoʻrgʻon suv ombori va boshqalar) qurilgan. Ikkinchi jahon urushi davrida mamlakat gʻarbidan koʻchirib keltirilgan korxonalarni ishga tushirish, yangilarini qurish, frontni oziq-ovqat, kiyim-kechak bilan muntazam taʼminlash, oʻzbekistonliklarni fashizmga qarshi kurashga safarbar qilish, urush tufayli uyjoy va boshpanasiz qolgan aholi hamda yetim qolgan bolalarga mehribonlik va insonparvarlik qilishda Usmon Yusupov bosh-qosh boʻlgan. U oʻz siyosiy faoliyati davrida imkoniyat doirasida Oʻzbekiston xalqi manfaatlarini himoya qilishga intilgan boʻlishiga qaramay ommaviy qatagʻon siyosatida (1937——1939) Markaz farmoyishlarini bajarishga majbur boʻlgan. Toshkentdagi Chigʻatoy qabristoniga dafn etilgan. Katta Fargʻona kanali, Fargʻona tumanidagi qishloq, respublikadagi bir necha maktab, koʻcha, shirkat xoʻjaligiga Usmon Yusupov nomi berilgan. Yangiyoʻl shahrida uy muzeyi bor, haykali mavjud^[1]^[2].

Manbalar

↑ Izbrannie trudi, t. 1—3, T., 1982—84. Ad.\ Reskov B., Sedov G., Usman Yusupov, T., 1977
↑ Oʻzbekistonning yangi tarixi, 2-kitob (Oʻzbekiston sovet mustamlakachiligi davrida], T., 2000.

Havolalar

Usmon Yusupovga taʼziyanoma, „Sovet Oʻzbekistoni“ gazetasi

Oʻzbekistonlik shaxsiyat haqidagi ushbu maqola chaladir. Siz uni boyitib, Vikipediyaga yordam berishingiz mumkin.

[1] Izbrannie trudi, t. 1—3, T., 1982—84. Ad.\ Reskov B., Sedov G., Usman Yusupov, T., 1977

[2] Oʻzbekistonning yangi tarixi, 2-kitob (Oʻzbekiston sovet mustamlakachiligi davrida], T., 2000.

[1]

[2]