Ы operatsiyasi

„Ы“ operatsiyasi va Shurikning boshqa sarguzashtlari (ruscha: Операция „Ы“ и другие приключения Шурика) — 1965-yilda suratga olingan qora komediya. Sovet Ittifoqining eng mashhur komediyalaridan biri. Qisqa metrajli 3 filmdan iborat: „Yordamchi“, „Tanish holat“ va „'Ы' operatsiyasi“.

«Ы» operatsiyasi va Shurikning boshqa sarguzashtlari
Rejissyor(lar)	Leonid Gayday
Ssenariynavis(lar)	Moris Slobodskoy Yakov Kostyukovskiy Leonid Gayday
Rollarda	Aleksandr Demyanenko Aleksey Smirnov Natalya Seleznyova Yuriy Nikulin Georgiy Vitsin Yevgeniy Morgunov
Bastakor(lar)	Aleksandr Zatsepin
Kinematografiya	Konstantin Brovin
Muharrir(lar)	Valentina Yankovskaya
Distribyutor	Mosfilm
Chiqarilgan sanasi	16-avgust, 1965-yil(1965-08-16)
Davomiyligi	90 minut
Mamlakat	Sovet Ittifoqi
Til	Rus tilida

Yekaterinburgda Shurik va Lida sharafiga oʻrnatilgan haykal

Syujeti

"Yordamchi" filmi

Katta yoshli bezori Fedya avtobusda homilador ayolga joy bermay, talaba Shurikka qilgan hujumi uchun 15 sutkalik maʼmuriy qamoqqa olinadi. Fedya jazoni oʻtash uchun turar-joy binosi qurilishiga yuboriladi. Xuddi shu qurilishda talaba Shurik ham ishlaydi. Ushbu hikoyadan bexabar boʻlgan bosh usta Pavel Stepanovich, Fedyani Shurikning sherigi etib tayinlaydi. Fedya qulay fursatdan foydalanib, talabaga qoʻlidan kelgan hamma bezorilikni qilishni boshlaydi. Shunga qaramay, Shurik oʻzi uchun qatʼiyat bilan kurashishga muvaffaq boʻladi va jangning oxirida Fedyani magʻlub etib, u bilan tushuntirish ishlarini olib boradi — devor gulqogʻozi ruloniga oʻragan holda savalab, qanotli iborani aytadi: Bu kerak, Fedya, kerak!. Ertasi kuni Fedya barcha ishlarga gʻayrat bilan borishga tayyor boʻladi, ammo unga boshqa ish tayinlangan edi: 15 sutka davomida Shurik bilan ishlash.

Rollarda

• Aleksandr Demyanenko — Shurik
• Aleksey Smirnov — Fedya
• Vladimir Basov — militsioner
• Emmanuil Geller — yoʻlovchi
• Rina Zelyonaya — avtobusdagi ayol
• Viktor Uralskiy — omborxona qorovuli
• Mixail Pugovkin — Pavel Stepanovich

"Tanish holat" filmi

Politexnika institutida imtihon sessiyasi boshlangan. Imtihonga tayyorgarlikni soʻnggi daqiqalargacha qoldirgan Shurik, konspekt izlaydi, ammo ular boshqa talabalar tomonidan olib ketilgan edi. Kutubxonadan ketayotib, u tasodifan oʻziga kerakli konspektlarni notanish talaba qizning qoʻlidagi daftarda koʻrib qoladi. Shurik konspektlarga shunday berilib ketadiki, qanday qilib qizning uyiga borib qolganini ham sezmaydi. Imtihondan soʻng, Shurikning doʻsti uni Lida bilan tanishtiradi va ular orasida oʻzaro simpatiya paydo boʻladi. Shurik Lidaning uyiga tashrif buyurganida, unga uydagi hamma narsa tanish tuyuladi. Lida va Shurik parapsixologik qobiliyatlarni aniqlash uchun ilmiy tajriba oʻtkazadilar. Ushbu tajriba yangi uchrashuvning vaʼdasi bilan tugaydi.

Rollarda

• Aleksandr Demyanenko — Shurik
• Natalya Seleznyova — Lida
• Svetlana Ageyeva — Lidani dugonasi
• Vladimir Rautbart — Professor
• Viktor Pavlov — talaba
• Valery Nosik — talaba
• Georgiy Georgiu — Lidani qoʻshnisi
• Zoya Fyodorova — Lidani qoʻshnisi

"Ы" operatsiyasi" filmi

Savdo bazasining qallob direktori oʻzi qilgan talon-torojliklarni yashirish uchun soxta oʻgʻrilikni uyushtirishni reja qiladi. Bu ishga qoʻrqoq, ahmoq va barzangidan iborat tajribali oʻgʻrilarni yollaydi. Biroq, „Ы“ deb nomlangan ehtiyotkorlik bilan tashkil etilgan va mashq qilingan operatsiya kutilmagan voqea tufayli eng boshida buziladi. Qorovullik uchun, tungi smenaga tayinlangan yumshoq tabiatli ayol emas, balki ayolning uyida ijarada yashovchi, jasur va qatʼiyatli talaba Shurik kelgan edi. Tungi olishuvlardan soʻng, uchlik qoʻlga olinib, militsiyaga olib ketiladi.

Rollarda

• Aleksandr Demyanenko — Shurik
• Yuriy Nikulin — ahmoq
• Georgiy Vitsin — qoʻrqoq
• Yevgeniy Morgunov — barzangi
• Vladimir Vladislavskiy — omborxona mudiri

Havolalar

• Ы operatsiyasi AllMovieda
• Ы operatsiyasi IMDbda