Abduvohid Jo‘rayev
Abduvohid Mamatqulovich Joʻrayev (oʻzbekcha: Abduvohid Mamatqulovich Joʻrayev; 1954-yil 18-fevral — 2006-yil 21-avgust) — oʻzbek iqtisodchisi va siyosatchisi. Oʻzbekistonda xizmat koʻrsatgan iqtisodchi. Iqtisodiyot fanlari doktori. 2003—2004-yillarda Oʻzbekiston Respublikasi qishloq va suv xoʻjaligi vaziri.
| Abduvohid Mamatqulovich Joʻrayev | |
|---|---|
| Fayl:Джураев.jpg | |
  | |
|
Mansab davri 2003 – 2004-yillar | |
| Prezident | Islom Karimov |
| Bosh vazir | Shavkat Мirziyoyev |
| Avvalgisi | Xoltayev Turob Xoltayevich |
| Keyingisi | Begaliyev Saydullo Begaliyevich |
| Shaxsiy maʼlumotlari | |
| Tavalludi | 18-fevral 1954-yil |
| Vafoti | 21-avgust 2006-yil (52 yosh) |
| Turmush oʻrtogʻi | Joʻrayeva (Choriyeva), Bozoroy Тoshboltayevna |
| Onasi | Joʻrayeva Оynaxol Eshmatovna |
| Otasi | Joʻrayev Mamatqul Joʻrayevich |
| Taʼlim | Toshkent xalq xoʻjaligi instituti |
| Ilmiy unvoni |
professor Iqtisodiyot fanlari doktori |
Biografiyasi
tahrirJoʻrayev Abduvohid 1954-yil 18-fevralda Surxondaryo viloyati Jarqoʻrgʻon tumanida dunyoga kelgan. 1976-yilda Toshkent xalq xoʻjaligi institutini tamomlagan. 1982-yilda iqtisodiyot fanlari nomzodi („Oʻzbekiston SSR kolxozlari misolida ingichka tolali paxta yetishtirishning iqtisodiy samaradorligini oshirish va intensivlashtirish“ ilmiy ishi boʻyicha)[1], 1993-yilda — Iqtisod fanlari doktori ilmiy darajasini olgan. 1976—1995-yillarda Oʻrta Osiyo qishloq xoʻjaligi iqtisodiyoti ilmiy-tadqiqot institutida (1992-yildan — Oʻzbekiston Agrosanoat majmuasida bozor islohotlari ilmiy-tadqiqot instituti) turli lavozimlarda ishlagan.
1995—1997-yillarda — Oʻzbekiston Agrosanoat majmuasida bozor islohotlari ilmiy-tadqiqot instituti direktori. 1997-yilda — Oʻzbekiston Respublikasi Prezidenti devonining yetakchi maslahatchisi. 1997—1998-yillarda — Oʻzbekiston Respublikasi Makroiqtisodiyot va statistika vazirining oʻrinbosari. 1998-yilda — Oʻzbekiston Respublikasi Davlat mulk qoʻmitasi raisining oʻrinbosari;
1998—2003-yillarda — Oʻzbekiston Respublikasi qishloq va suv xoʻjaligi vaziri oʻrinbosari. 2003—2004-yillarda — Oʻzbekiston Respublikasi qishloq va suv xoʻjaligi vaziri;
2004—2006-yillarda — Oʻzbekiston Respublikasi Qishloq va suv xoʻjaligi vazirining birinchi oʻrinbosari vazifalarida faoliyat olib borgan[2].
Ilmiy faoliyati
tahrirAbduvohid Mamatqulovich ilmiy faoliyati davomida Oʻzbekiston SSR va Oʻzbekiston Respublikasining qishloq xoʻjaligida iqtisodiy islohotlarni chuqurlashtirishga oid normativ-huquqiy hujjatlar loyihalarini tayyorlashda bevosita ishtirok etgan hamda ularni amalga oshirish mexanizmlarini ishlab chiqish va amaliyotga qoʻllashda oʻz hissasini qoʻshgan. Jumladan, dehqon, fermer va shirkat xoʻjaliklariga oid huquqiy hujjatlar shular jumlasidandir. Oʻzbekiston Qishloq va suv xoʻjaligi vazirligining xorijiy davlatlar bilan iqtisodiy aloqalarni oʻrnatish va mustahkamlash, xorijiy sarmoyalarni, jumladan, Osiyo taraqqiyot banki, Jahon banki va boshqa bir qator xalqaro moliya institutlarini jalb etish boʻyicha loyihalarni amalga oshirishda rahbarlik qilgan.
Joʻrayev shu bilan birgalikda, Qishloq xoʻjaligi sohasini rivojlantirish boʻyicha olib borilgan ilmiy tadqiqotlar natijalari, islohotlarga oid nazariy va amaliy kuzatishlar asosidagi masalalarga bagʻishlangan 8 ta monografiya, 130 ta ilmiy maqolalarni nashr ettirgan. Uning rahbarligida qishloq xoʻjaligi korxonalari, mutaxassislar, fermerlar, oliy oʻquv yurtlari oʻqituvchilari va talabalari uchun iqtisodiy islohotlarni amalga oshirish boʻyicha 20 dan ortiq uslubiy tavsiyalar va meʼyoriy hujjatlar toʻplami tayyorlanib, nashr etilgan.
U nafaqat amaliyot sohasida, balki qishloq xoʻjaligi iqtisodiyotining nazariy jihatlari sohasida ham katta ishlarni amalga oshirgan. Joʻrayevning shogirdlari orasida 3 nafar fan doktori va 19 nafar fan nomzodlari yetishib chiqqan.
Mukofotlar
tahrir- Oʻzbekiston Respublikasida xizmat koʻrsatgan iqtisodchi (2002-yil 27-avgust)[3].
- „Oʻzbekiston Respublikasi Mustaqilligiga 15 yil“ medali (2006-yil 19-iyun, Prezident Farmoni).
Shaxsiy hayoti
tahrirAbduvohid Mamatqulovich Joʻrayev oilali. Uning toʻrt nafar farzandi bor.
- Qizi — Mehriniso (1981-yilda tugʻilgan) Oʻzbekiston Respublikasi Moliya vazirligi tuzilmasida ishlaydi.
- Oʻgʻli Doʻstmurod (1983-yilda tugʻilgan) Oʻzbekiston Respublikasi Qishloq xoʻjaligi vazirligi Iqtisodiyot bosh boshqarmasi boshligʻi lavozimida ishlaydi.
- Oʻgʻli — Shodiyor (1986-yilda tugʻilgan) Oʻzbekiston Respublikasi maktabgacha taʼlim vaziri oʻrinbosari lavozimida ishlaydi[4].
- Qizi — Nargiza (1988-yilda tugʻilgan) Toshkent davlat iqtisodiyot universiteti dotsenti.
Abduvohid Mamatqulovich 2006-yilning 21-avgustida (52 yoshida) avtohalokatga uchrab vafot etgan[5].
Manbalar
tahrir- ↑ Intensifikatsiya i povishenie ekonomicheskoy effektivnosti proizvodstva tonkovoloknistogo xlopka : na primere kolxozov UzSSR : dissertatsiya … kandidata ekonomicheskix nauk : 08.00.05. — Tashkent, 1981. — 176 s.
- ↑ Postanovlenie Prezidenta Respubliki Uzbekistan ot 24-maya 2006 g. № PP-355 „Ob utverjdenii novogo sostava uzbekskoy chasti Mejpravitelstvennoy komissii po ekonomicheskomu sotrudnichestvu mejdu Respublikoy Uzbekistan i Rossiyskoy Federatsiey“
- ↑ „УКАЗ ПРЕЗИДЕНТА РЕСПУБЛИКИ УЗБЕКИСТАН О НАГРАЖДЕНИИ В СВЯЗИ С ОДИННАДЦАТИЛЕТИЕМ НЕЗАВИСИМОСТИ РЕСПУБЛИКИ УЗБЕКИСТАН ГРУППЫ ГОСУДАРСТВЕННЫХ СЛУЖАЩИХ, РАБОТНИКОВ ПРОИЗВОДСТВЕННОЙ И СОЦИАЛЬНО-ЭКОНОМИЧЕСКОЙ СФЕРЫ (27 августа 2002)“. 22-noyabr 2019-yilda asl nusxadan arxivlangan. Qaraldi: 26-fevral 2021-yil.
- ↑ „Архивированная копия“. 24-aprel 2022-yilda asl nusxadan arxivlangan. Qaraldi: 27-fevral 2021-yil.
- ↑ MYeSYaTs AVGUST…