Aleksey Semyonov
Aleksey Semyonov (1968-yil 7-avgust) — sovet va oʻzbek futbolchisi, himoyachi. Oʻzbekiston terma jamoasi safida oʻynagan.
| Shaxsiy maʼlumot | |||
|---|---|---|---|
| Toʻliq ismi | Aleksey Semyonov | ||
| Tavallud sanasi | 7-avgust 1968-yil | ||
| Tavallud joyi |
 SSSR, Oʻzbekiston | ||
| Vafot sanasi |
28-sentyabr 2020-yil (52 yoshda) | ||
| Ampluasi | himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1986 1986 1989 1990 1990—1991 1993—1994 1995—1996 1997—1998 1999 2003—2004 |
PaxtakorShaxtyor (Аngren)ZarafshonNurafshon (Buxoro)Sohibkor Politotdel Neftchi (Fargʻona) NavbahorАndijonТraktor (Тoshkent) |
(4 (0) 6 (1) 28 (0) 18 (0) 49 (0) 49 (4) 41 (1) 40 (0) 4 (0) 28 (0)) | |
| Milliy terma jamoa | |||
| 1996—1998 |
Oʻzbekiston | (9 (0)) | |
| *Professional klublardagi gollari (ichki chempionat) | |||
Hayoti
tahrirKlublardagi faoliyati
tahrir1986-yilda Toshkentning „Paxtakor“ jamoasi tarkibida SSSR birinchi ligasida kattalar oʻrtasidagi bahslarda debyut qilgan. Jamoa tarkibida 4 ta uchrashuv oʻtkazgan. Keyinchalik esa SSSR parchalangunga qadar ikkinchi va ikkinchi quyi liga klublarida Oʻzbekiston SSR sharafini himoya qilgan.
Oʻzbekiston oliy ligasida „Politotdel“ tarkibida debyut uchrashuvini 1993-yil 27-mart kuni „Yangiyer“ga qarshi 1-tur oʻyinida (4:0) oʻtkazgan va oliy ligadagi oʻsha uchrashuvda ilk golini urgan. 1995-yilda „Neftchi“ (Fargʻona) klubiga oʻtib, „Neftchi“ bilan oʻsha mavsumda mamlakat chempioni, 1996-yilda esa kumush medal sohibi va Oʻzbekiston kubogi sohibiga aylangan. 1997-yilda „Navbahor“ jamoasi safiga qoʻshilib, ikki marta (1997, 1998) chempionatning bronza medali sovrindori, 1998-yilda esa kubok sohibi boʻlgan. 1999-yilda „Andijon“ safida toʻp surgan, keyin bir necha yil quyi ligada oʻynagan. Faoliyati yakunida Toshkentning „Traktor“ jamoasi tarkibida ikki mavsumni oliy ligada oʻtkazgan.
Oʻzbekiston oliy ligasida jami 162 ta oʻyin oʻtkazib, 5ta gol urgan.
Jamoadagi faoliyati
tahrir1996-yil 6-dekabrda Xitoy terma jamoasiga qarshi oʻtkazilgan Osiyo kubogi final uchrashuvida Oʻzbekiston milliy terma jamoasi safida debyut qilgan[1]. Bu turnirda jami ikkita oʻyin oʻtkazgan. 1998-yilda Osiyo oʻyinlarida qatnashib, jamoasining barcha 6ta oʻyinida maydonga tushib, chorak final ishtirokchisiga aylangan.
1996-1998-yillarda Oʻzbekiston milliy terma jamoasi safida jami 9 ta oʻyin oʻtkazgan.