Haqiqiy erkaklar ovi

Haqiqiy erkaklar ovi (ruscha: Охота для настоящих мужчин) — 2006-yilda rejissyor Jasur Ishoqov tomonidan suratgan olingan oʻzbek jangari filmi. Film ssenariysi Mastura Ishoqova va Jasur Ishaqovga tegishli boʻlib, unda bosh rollarni Asal Xoʻjayeva, Faxriddin Shamsimatov va Mexridin Rahmatov kabi aktyorlar ijro etgan.

Haqiqiy erkaklar ovi
Rejissyor(lar)	Jasur Ishoqov
Ssenariynavis(lar)	Jasur Ishoqov Mastura Ishoqova
Rollarda	Asal Xoʻjayeva Faxriddin Shamsimatov Mexridin Rahmatov Gulchehra Jamilova Xojiakbar Nurmatov Davlatbek Arabshoyev Turgʻun Beknazarov Anvar Azimov Dilfuza Ismoilova Javohir Azimov Elyor Nosirov Mashrab Kimsanov Tolib Moʻminov Saida Rametova
Bastakor(lar)	Eola Pak
Kinematografiya	„Oʻzbekkino“
Studiya(lar)	„Inson“ kinostudiyasi
Chiqarilgan sanasi	2006-yil
Davomiyligi	75 daqiqa
Mamlakat	Oʻzbekiston
Til	Oʻzbekcha

Syujeti

Beva Shohida va xotini bilan ajrashgan Ozod uchrashib yurishadi. Bundan Shohidaning onasi, oʻgʻli Mumtoz va Ozodning hamkasbi Akbar xabardor boʻlib, ular tez orada oila qurishmoqchi boʻlishadi. Lekin bunga Mumtoz qarshi boʻladi.

Oʻzbekiston Ichki ishlar vazirligining giyohvand moddalarni noqonuniy tarqatishga qarshi kurashish boʻlimi xodimi boʻlgan Ozod Yoʻldoshev giyohvand moddalar oldi-sotdisi bilan shugʻullanuvchilarni qoʻlga olish uchun maxsus harbiy operatsiyalar uyushtiradi. Operatsiya davomida u Pardayev ismli mayorning uyidan giyohvand moddalarni topadi. Shu bilan kalavaning uchini topadi va birma-bir narkobaronlarni ovlashni boshlaydi.

Bu orada Shohida oʻgʻlini tarbiyasi buzilib, giyohvand boʻlib qolganidan dugonasi Gulbahor orqali xabar topadi. Ikki dugona Mumtozni kim yoʻldan urganligini qidirib, Marat ismli giyohvand moddalar yetkazib beruvchi odamni topishadi, lekin uni koʻrisholmaydi. Marat esa ularning telefon raqamini yozib olib, Mumtoz „qora dori“ soʻrab kelganida ularni kimligini bilib oladi. Shu ondayoq Marat oʻgʻlini uyga kelmaganidan xavotirga tushgan Shohidaga qoʻngʻiroq qiladi va undan oʻgʻlining uch ming dollar qarzi borligini, qarzni qaytarsagina oʻgʻlini qoʻyib yuborishini aytib taxdid qiladi.

Shohida boʻlgan voqealarni Ozodga aytib beradi va Ozod Maratni iziga tushadi. Akbar yemakxonaga kirib, girgittonga Mumtozning suratini koʻrsatadi va u Marat bilan uchrashganini, Marat esa yemakxonaga kirishda Akbarga turtilib ketganini aytib beradi. Akbar uning iziga tushadi va Ozod bilan uning uyini topib, maxsus harbiy operatsiya oʻtkazadi. Marat qoʻlga tushadi, Mumtozni esa qutqarishadi.

Film soʻngida Ozod va Akbar shifoxonaga kelishadi. Shifoxonada Shohida, onasi va Mumtoz chiqadi. Ozodni yomon koʻradigan Mumtoz yugurib borib u bilan quchoqlashadi.

Rollarda

Bosh rollarda

• Asal Xoʻjayeva — Shohida;
• Faxriddin Shamsimatov — Ozod Yoʻldoshev, Ichki ishlar vazirligining giyohvand moddalarni noqonuniy tarqatishga qarshi kurashish bo‘limi xodimi;
• Mexridin Rahmatov — Akbar Sodiqov, Ozodning doʻsti va hamkasbi;
• Gulchehra Jamilova — Shohidaning onasi;
• Xojiakbar Nurmatov — Asror Iskandarov, general;
• Davlatbek Arabshoyev — Mumtoz, Shohidaning oʻgʻli;
• Turgʻun Beknazarov — Pardayev, poraxoʻr mayor;
• Anvar Azimov — Xojiniyozov, katta narkobaron;
• Dilfuza Ismoilova — Gulbahor Usmonovna, Shohidaning dugonasi, mehmonxona menejeri;
• Javohir Zokirov — Marat, narkokuryer;
• Elyor Nosirov — Ichki ishlar vazirligi xodimi;
• S. Nuraliyev;
• Mashrab Kimsanov — Suyunov, kichik narkobaron;
• O. Baxtiyev.

Epizodlarda

• Tolib Moʻminov — Shohidaning birinchi eri;
• Mirtohir Miraliyev
• Saida Rametova — mayorning xotini;
• Sadriddin Ziyomuhammedov — mayorning advokati;
• Abzal Gʻulomov;
• E. Dandurova;
• H. Islomov;
• X. Rahmatov;
• O. Matveyeva;
• Shavkat Boltaboyev;
• Sh. Toliboyev;
• A. Toliboyev;
• R. Shagiahmedova;
• Melis Abzalov — sotuvchi;
• Jumadulla Rametov — choyxonachi.

Film musiqasi

Filmga musiqalarni Eola Pak yozgan.

Havolalar

•  Haqiqiy erkaklar ovi (oʻzbek film)