Igor Burov

Igor Burov (ruscha: Буров, Игорь; 1973-yil 10-noyabrda tugʻilgan) – oʻzbekistonlik sobiq futbolchi, hujumchi va himoyachi pozitsiyalarida oʻynagan.

Igor Burov

Shaxsiy maʼlumot
Toʻliq ismi	Igor Burov
Tavallud sanasi	10-noyabr 1973-yil
Tavallud joyi	Fargʻona viloyati, Oʻzbekiston SSR
Vafot sanasi	2019-yil
Ampluasi	Hujumchi, himoyachi
Klub maʼlumoti
Joriy klub	Faoliyatini yakunlagan
Professional faoliyati*
Yillar	Jamoa	Isht.	(Gol.)
1991—1992	Shahrixon	58	(4)
1993—1994	Atlaschi	29+	(28)
1997	MHSK	19	(7)
1998	Metallurg	2	(1)
1998	Temiryoʻlchi	3	(1)
1999	Doʻstlik	4	(0)
2002	Metallurg	12	(2)
2003	Sementchi	4	(0)
*Professional klublardagi gollari (ichki chempionat)

Futbolchilik faoliyati

Igor professional futboldagi faoliyatini 1991-yilda Andijonning „Shahrixon“ klubi tarkibida, SSSR ikkinchi ligasida boshlagan. Shaxrixon jamoasi tarkibida ikki mavsum davomida oʻynagan va 58 ta oʻyinda 4 ta gol muallifi boʻlgan. 1993-yilda Margʻilonning „Atlaschi“ jamoasi tarkibiga oʻtgan. Jamoadagi dastlabki mavsumidayoq klubning asosiy futbolchilaridan biriga aylandi va mavsum yakunida 28 ta oʻyinda 28 ta gol kiritib mavsumning eng yaxshi toʻpurariga aylangan.

1997-yilgi mavsumda Toshkentning „MHSK“ jamoasi tarkibiga oʻtgan. Armiyachilar jamoasi tarkibida mavsum davomida 19 ta oʻyinda ishtirok etib 7 ta gol muallifi boʻlgan. MHSK klubi tarkibida faoliyatida ilk bor Oʻzbekiston chempioni boʻlgan. Keyinchalik Bekobodning „Metallurg“, Qoʻqon 1912, Toshkent viloyatining „Doʻstlik“, Quvasoyning „Sementchi“ jamoalarida oʻynagan.

Igor faoliyatining maʼlum bir davrida hujumchi pozitsiyada oʻynagan va faoliyatining soʻngida asosan himoyachi pozitsiyasida harakat qilgan.

Yutuqlari

Jamoaviy

• Oʻzbekiston Superligasi chempioni: 1997
• Oʻzbekiston Pro ligasi gʻolibi: 1993

Individual

• Oʻzbekiston Pro ligasi toʻpurari (28 ta gol): 1993

Havolalar

• Igor Burov FootballFacts.ru saytida (ruscha)