Ilya Kovalenko
Ilya Kovalenko (1980-yil 17-aprelda tug'ilgan) – qirgʻizistonlik va o'zbekistonlik sobiq professional futbolchi, hujumchi ampulasida o'ynagan. Ilya Oʻzbekiston fuqaroligiga ega. Qirgʻiziston terma jamoasida oʻynagan.
| Shaxsiy maʼlumot | |||
|---|---|---|---|
| Tavallud sanasi | 17-aprel 1980-yil | ||
| Tavallud joyi | Qirgʻiziston SSR, USSR | ||
| Boʻyi | 185 cm (6 ft 1 in) | ||
| Ampluasi | Hujumchi | ||
| Klub maʼlumoti | |||
Joriy klub | Faoliyatini yakunlagan | ||
| Professional faoliyati* | |||
| Yillar | Jamoa | Isht. | (Gol.) |
| 1995 |
 Semetey | 8 | |
| 1996 |
Metallurg | 20 | (3) |
| 1997 |
Semetey | 7 | |
| 1998—2009 |
 Neftchi | 189 | (45) |
| 2010 |
Metallurg | 12 | (2) |
| Milliy terma jamoa | |||
| 2000—2001 | Qirgʻiziston | 8 | (2) |
| *Professional klublardagi gollari (ichki chempionat) | |||
Futbolchilik faoliyati
tahrirKovalenko professional faoliyatini 15 yoshida „Semetey“ (Qizil-Qiya) klubi tarkibida oʻynay boshlagan. 1995-yilda Qirgʻiziston chempionatining bronza medali sovrindori va mamlakat kubogi sohibiga bo'lgan. 1996-yilda „Semetey“ jamoasining koʻp oʻyinchilari bilan birgalikda u „Metallurg“ jamoasi tarkibiga (Qadamjoy) oʻtgan va yangi jamoasi tarkibida mamlakat chempioni va Kubok finalchisi boʻlgan. 1997-yilgi mavsumda yana „Semetey“ safida oʻynagan.
1998-yilgi mavsumda Oʻzbekistonning „Neftchi“ (Fargʻona) klubiga oʻtgan va 12 mavsum davomida Farg'ona jamoasi tarkibida o'ynagan. Ilya Neftchi jamoasi safida Oʻzbekiston chempioni (2001), kumush (1998, 1999, 2000, 2002, 2003, 2004, 2006) va bronza (2008) medal sovrindori, Oʻzbekiston kubogi finalchisi (1998, 2001, 2002) boʻlgan. Kovalenko "Neftchi" jamoasida o'tkazgan barcha mavsumlarda ham asosiy tarkibda muqim oʻyinchi boʻlmagan. Uning eng samarali mavsumi 2004-yilgi mavsum boʻlib, Ilya mavsum davomida 12 ta gol urgan. Umumiy hisobda Fargʻona klubi tarkibida Oʻzbekiston oliy ligasida 189 ta oʻyin oʻtkazib, 45 ta gol muallifi bo'lgan. „Neftchi“ klubidagi oʻyinlari davomida Oʻzbekiston fuqaroligini qabul qilgan.
Faoliyatining yakunida bir mavsumni Oʻzbekistonning boshqa bir jamoasi „Metallurg“ (Bekobod) klubida oʻtkazgan.
Xalqaro oʻyinlar
tahrirIlya Qirgʻiziston olimpiya terma jamoasida oʻynagan, 2000-yilgi Olimpiadaga saralash turnirida toʻrtta gol (Turkmaniston va Qozogʻiston darvozasiga dubl) kiritgan. 2000-yil 15-noyabrda Estoniyaga qarshi oʻrtoqlik oʻyinida Qirgʻiziston terma jamoasida debyut qilgan[1]. U milliy terma jamoadagi ilk golini 2001-yilning 3-fevralida Singapurga qarshi jahon chempionati saralash oʻyinida kiritdi[2]. Umuman olganda, 2000—2001-yillarda milliy terma jamoa safida 8 ta oʻyin oʻtkazib, 2 ta gol urgan. Keyinchalik, xorijda toʻp surgan koʻplab qirgʻizistonlik futbolchilar singari, u ham klubda legioner hisoblanmaslik uchun terma jamoada oʻynashdan bosh tortgan.
Manbalar
tahrir- ↑ „Эстония 1 : 0 Киргизия“. 2019-yil 12-fevralda asl nusxadan arxivlangan. Qaraldi: 2019-yil 4-iyun.
- ↑ „Сингапур 0 : 1 Киргизия“. 2019-yil 18-fevralda asl nusxadan arxivlangan. Qaraldi: 2019-yil 4-iyun.
Havolalar
tahrir- Ilya Kovalenko Footballfactsru saytida
- Ilya Kovalenko National-Football-Teams.com saytida