Mustafo Kamol Otaturk koʻchasi (Toshkent)

Mustafo Kamol Otaturk koʻchasi – poytaxt markazidagi koʻchalardan biri. Islom Karimov va Alisher Navoiy koʻchalari oraligʻida. Uzunligi 1 km atrofida.

Mustafo Kamol Otaturk koʻchasi

Umumiy maʻlumotlar
Mamlakat	Oʻzbekiston
Shahar	Toshkent
Uzunligi	1 km
Avvalgi nomlari	Erjar koʻchasi S. M. Kirov koʻchasi
Kim sharafiga nomlangan	Mustafa Kemal Atatürk
Koʻchada joylashgan binolar	Navoiy teatri Oʻzbekiston rus akademik drama teatri Toshkent shahar kasaba uyushmalari kengashi „Zarafshon“ restorani

XIX asrning 2-yarmida tashkil topgan. 1934-yilgacha Erjar nomi bilan yuritilgan. 1934-yil 21-dekabrda shoʻrolar siyosat arbobi S. M. Kirov (1886-1934), 1992-yil 27-aprelda Turkiya Respublikasining birinchi prezidenti Mustafo Kamol Otaturk (1881-1938) nomi berilgan.

Yoʻnalishida Alisher Navoiy nomidagi davlat akademik katta teatri, Oʻzbekiston rus akademik drama teatri, shahar kasaba uyushmalari kengashi, „Zarafshon“ restorani, „Alp Jamol“ banki, Qimmatbaho metallar agentligi va supermarketlar joylashgan. Buxoro, Matbuotchilar va Istiqlol koʻchalari bilan kesishadi. Yaqinida Oʻzbekiston Respublikasi Oliy Majlisi Senati, Oʻzbekiston Respublikasi Markaziy banki, Toshkent universal savdo markazi, Yoshlar ijod saroyi, „Nuroniy“ jamgʻarmasi, "Mustaqillik maydoni" metro bekati, Sharq nashriyot-matbaa aksiyadorlik kompaniyasi gazeta korpusi va bosmaxonasi bor.

Yana qarang

• Toshkent koʻchalari roʻyxati