Toshpo‘lat Hamid

Toshpo‘lat Hamid (asl ism-sharifi — Toshpo‘lat Hakimovich Hamidov, 1927-yil 12-dekabr, Buxoro viloyati, O‘zbekiston SSR — 1984-yil 9-fevral, Yessentuki, Stavropol o‘lkasi) — shoir, pedagog, journalist, tarjimon. O‘zbekistonda xizmat ko‘rsatgan madaniyat xodimi (1978). Filologiya fanlari nomzodi (1969). Hamid Olimjon mukofoti sovrindori (1983).

Toshpo‘lat Hamid
Asl ismi	Toshpo‘lat Hakimovich Hamidov
Tavalludi	1927-yil 12-dekabr Buxoro viloyati, O‘zbekiston SSR
Vafoti	1984-yil 9-fevral Yessentuki, Stavropol o‘lkasi
Fuqaroligi	O‘zbekiston SSR
Taʼlimi	Buxoro davlat pedagogika instituti (hozirgi Buxoro kdavlat universiteti)
Yoʻnalish	she’riyat, jurnalistika
Janr	nazm, publitsistika
Mukofotlari	Hamid Olimjon mukofoti

Tarjimayi holi

Toshpo‘lat Hamid 1927-yil 12-dekabrda Buxoro viloyati (hozirgi Navoiy viloyati) Bo‘ston qishlog‘ida xizmatchi oilasida tug‘ilgan. U Maksim Gorkiy nomli o‘rta maktabda ta’lim olgan. 1945-yilda Buxoro davlat pedagogika instituti (hozirgi Buxoro davlat universiteti)ning til va adabiyot fakultetiga o‘qishga kirib, uni muvaffaqiyatli yakunlaydi. Mehnat faoliyatini Shofirkon tumanidagi Shota Rustaveli nomli maktabda oddiy o‘qituvchilikdan boshlab, Qiziltepa tuman xalq ta’limi bo‘limi mudiri darajasigacha ko‘tarilgan (1949—1955). 28 yoshida O‘zbekiston Yozuvchilari uyushmasi Buxoro viloyat bo‘limi mas’ul kotibligiga tayinlangan. U 1960—1962-yillarda Moskvada Oliy adabiyot kursida tahsil oldi.

Toshpo‘lat Hamid „Asqad Muxtorning badiiy mahorati“ mavzusida nomzodlik dissertatsiyasini yozdi va uni 1969-yilning may oyida muvaffaqiyatli himoya qildi. U Buxoro davlat pedagogika institutida o‘qituvchi, o‘zbek adabiyoti kafedrasi mudiri, O‘zbekiston Yozuvchilar uyushmasi Buxoro viloyat bo‘limida (1955—1970), „Buxoro haqiqati“ gazetasida bosh muharrir bo‘lib ishladi (1970—1979-yillar va 1983-yildan vafotiga qadar).

Toshpo‘lat Hamid 1984-yilda 57 yoshida og‘ir kasallik natijasida vafot etdi.

Asarlari

Toshpo‘lat Hamid „Quyosh sha’niga“, „Tumbazlar sadosi“, „Asrorqulning qo‘chqori“ (1960), „Mening asrim“ (1965), „Manzil“, „Bo‘ston navolari“, „Quvg‘in“, „Binafsha ufqlar“ (1973), „Родина аистов“, „Tog‘larga boq, tog‘larga“, „Qo‘shiqlar qanotida“ (1974) nomli she’riy kitoblari muallifi. U „Tilla darvoza“ (1972), „Qora kiyik“ (1973), „Mozorlar sotilmaydi“ (1974), „Gulob“ (1975) kabi dostonlar yozgan.