Ulugʻbek Roʻzimov
Ulugʻbek Ikromovich Roʻzimov (1968-yil 15-avgust – 2017-yil 8-may) – Oʻzbekistonlik futbol himoyachisi. Roʻzimov Oʻzbekiston terma jamoasining sobiq futbolchisi boʻlib, u faoliyati davomida milliy terma jamoada jami 23 ta oʻyin oʻtkazib, ikkita gol urgan.
| Shaxsiy maʼlumot | |||
|---|---|---|---|
| Toʻliq ismi | Ulugʻbek Ikromovich Roʻzimov | ||
| Tavallud sanasi | 15-avgust 1968-yil | ||
| Tavallud joyi | Toshkent, Oʻzbekiston SSR, USSR | ||
| Vafot sanasi |
8-may 2017-yil (48 yoshda) | ||
| Vafot joyi | Toshkent, Oʻzbekiston | ||
| Boʻyi | 190 cm (6 ft 3 in) | ||
| Ampluasi | Himoyachi | ||
| Mukofotlari |
  | ||
| Professional faoliyati* | |||
| Yillar | Jamoa | Isht. | (Gol.) |
| 1985—1986 | Xonqa | 65 | (5) |
| 1989 | Paxtakor | 7 | (0) |
| 1989 | Jayxun | 3 | (1) |
| 1990 | Paxtakor | 21 | (0) |
| 1991 | Umid | 42 | (8) |
| 1992—1993 | Navbahor | 50 | (7) |
| 1994—1997 | Paxtakor | 50 | (7) |
| 1997—1998 | Jayxun | 20 | (1) |
| 1999—2001 | Metallurg | 86 | (12) |
| Milliy terma jamoa | |||
| 1992—1996 | Uzbekistan | 23 | (2) |
| *Professional klublardagi gollari (ichki chempionat) | |||
Faoliyati
tahrirUlugʻbek Roʻzimov Toshkent shahrida tugʻilgan boʻlib, 1985-yilda SSSR ikkinchi ligasi „Xonqa“ jamoasi tarkibida futbol maydonlarida oʻynagan, 1986-yilgacha oʻynagan. 1989-yilda oʻsha paytda birinchi ligada oʻynagan Toshkentning „Paxtakor“ jamoasiga, yil oxirida Urganchning „Jayxun“ jamoasida ikkinchi liga klubida oʻynadi. Keyingi yili u „Paxtakor“ga qaytib, u bilan birinchi liganing kumush medallari va oliy ligaga yoʻllanmani qoʻlga kiritgan. Ammo Roʻzimov keyingi mavsumni ikkinchi quyi liga vakili Toshkentning „Umid“ jamoasida oʻtkazgan.
Ulugʻbek Roʻzimov 1992-yil Mustqail Oʻzbekiston Oliy ligasining dastlabki mavsumida Namanganning „Navbahor“ klubida oʻynagan. 1992-yilda jamoa bilan birgalikda Oʻzbekiston kubogini qoʻlga kiritgan. 1994-yil yana „Paxtakor“ jamoasida oʻynab, 1997-yilda mamlakat kubogini qoʻlga kiritgan. 1997-yildan 1998-yilgacha Xorazm jamoasi tarkibida oʻynagan va 1999-yildan 2001-yilgacha oʻynagan Bekobodning „Metallurg“ jamoasida oʻyinlarini yakunlagan.
Ulugʻbek Roʻzimov 2017-yil 8 may kuni jigar sirrozi, ogʻir xastalikdan vafot etgan[1][2].
Klublar karyerasi
tahrir| Yillar | Klub | Oʻyin | Gol |
|---|---|---|---|
| 1985—1986 | Xonqa | 65 | (5) |
| 1989 | Paxtakor | 7 | (0) |
| 1989 | Jayhun (Urganch) | 3 | (1) |
| 1990 | Paxtakor | 21 | (0) |
| 1991 | Umid | 42 | (8) |
| 1992—1993 | Navbahor (Namangan) | 50 | (7) |
| 1994—1997 | Paxtakor | 84 | (5) |
| 1997—1998 | Xorazm | 20 | (1) |
| 1999—2001 | Metalurg (Bekobod) | 86 | (12) |
Milliy terma jamoada
tahrirUlugʻbek Roʻzimov Oʻzbekiston terma jamoasidagi debyutini 1992-yil 28-iyunda Turkmaniston terma jamoasi bilan oʻrtoqlik uchrashuvida oʻtkazgan[3]. 1994-yilda Roʻzimov Yaponiyada boʻlib oʻtgan Osiyo oʻyinlarida ishtirok etish uchun terma jamoaga kiritilgan. AFC bu yil terma jamoalar safiga faqat 23 yoshgacha boʻlgan futbolchilarni jalb qilish toʻgʻrisida qaror qabul qilgan boʻlsa-da, bu turnirga deyarli barcha jamoalar eng kuchli tarkib bilan kelgan. Turnirda Ulugʻbek Roʻzimov musobaqa gʻolibligini qoʻlga kiritgan jamoaning asosiy himoyachilaridan biri boʻldi. Keyinchalik Roʻzimov 1996-yilgacha terma jamoa tarkibida oʻynadi va Osiyo Kubogida ishtirok etgan. U terma jamoa tarkibida jami 23 ta oʻyinda maydonga tushib, 2 ta gol urgan.
Yutuqlar
tahrirNavbahor (Namangan)
- Oʻzbekiston kubogi sohibi : 1992
Paxtakor
- SSSR Birinchi ligasi 2-oʻrin siohibi 1990
- Oʻzbekiston kubogi sohibi : 1997
Oʻzbekiston terma jamoasi
- Osiyo oʻyinlari gʻolibi: 1994
Davlat mukofotlari
tahrir1994 yili Osiyo oʻyinlarida terma jamoa safida erishgan gʻalabadan soʻng Ulugʻbek Roʻzimov boshqa oʻyinlarda gʻolib chiqqan sportchilar va ularning murabbiylari bilan birgalikda O‘zbekiston Respublikasi davlat mukofoti – „Shuhrat“ medali bilan taqdirlangan[4].
Manbalar
tahrir- ↑ „1994 yil Osiyo o'yinlarida g'olib chiqqan O'zbekiston terma jamoasi. Ular hozir qayerda?“ (24 октября 2017). 2021-yil 16-noyabrda asl nusxadan arxivlangan. Qaraldi: 2022-yil 3-sentyabr.
- ↑ „Осиё ўйинлари ғолиби, Хоразм футболининг ёрқин вакили Улуғбек Рўзимовни хотирлаб“. 2023-yil 3-mayda asl nusxadan arxivlangan. Qaraldi: 2023-yil 3-may.
- ↑ „O‘zbekiston – Turkmaniston – 2:1“ (2022-yil 3-sentyabr). 2022-yil 3-sentyabrda asl nusxadan arxivlangan. Qaraldi: 2022-yil 3-sentyabr.
- ↑ „Prezident farmoni“ (2017 yil 7 noyabr). 2017-yil 7-noyabrda asl nusxadan arxivlangan. Qaraldi: 2022-yil 3-sentyabr.