Yeldar Kantimirov

Yeldar Shukriyovich Kantimirov (1980-yil 10-iyun, Oʻzbekiston SSR, Begobod) – qrim-tatar jamoat arbobi. Qrim hokimiyati tomonidan taʼqib qilingan.

Yeldar Kantimirov
Tavalludi	10-iyun 1980-yil Begobod, Toshkent viloyati, OʻzSSR
Fuqaroligi	SSSR
Kasbi	siyosatchi

Biografiyasi

Yeldar Shukriyevich 1980-yil 10-iyunda Oʻzbekiston SSR, Begobod shahrida tavallud topgan. Boshlangʻich bilimni Begobodda olgan, keyin 1992-yilda uning oilasi Qrimga qaytishga muvaffaq boʻlgan.

Yeldar maktab yillarida Qrim chempioni, shuningdek, boks boʻyicha Ukraina chempionati sovrindori (ikkinchi oʻrin) boʻlgan. Maktabni tugatgach, Kiyev Islom universitetiga oʻqishga kirgan. Ilmiy muvaffaqiyati tufayli 2001-yilda Misrning Al-Azhar universitetida amaliyot oʻtash huquqini qoʻlga kiritgan. Yeldar Kantimirov maʼlumoti boʻyicha arabshunos. Hibsga olinishidan oldin islom dinini oʻrganishda davom etgan. U suvenirlar savdosi boʻyicha kichik biznesga ega edi.

Kantimirov 2014-yildan boshlab jamoat faoliyati bilan shugʻullana boshlagan. U sud majlislari va siyosiy motivli ishlar boʻyicha tintuvlarda qatnashgan.

Jinoiy taʼqib

Yeldar Kantimirov 2017-yilda „Qrim-tatarlar terrorchi emas“ plakati bilan qrim-tatarlarga milliy va diniy sabablarga koʻra zulm qilinishiga qarshi chiqqan. U hibsga olingan va „piket oʻtkazishda belgilangan tartibini buzganligi“ uchun maʼmuriy javobgarlikka tortilgan (Rossiya Federatsiyasi Maʼmuriy javobgarlik toʻgʻrisidagi kodeksining 20.2-moddasi 5-qismi) Yeldar 10 000 rubl miqdorida jarimaga tortilgan.

2017-yilning noyabr oyida Yeldar Kantimirovning uyida ilk bor tintuv oʻtkazilgan. Qidiruvga politsiya va maxsus kuchlar jalb qilingan. Kantimirovning barcha elektron jihozlari musodara qilingan, biroq unga nisbatan hech qanday ayblov qoʻyilmagan.

Kantimirov boʻlib oʻtgan taʻqib va tintuvlarga qaramay oʻzining ijtimoiy faoliyatini toʻxtatmagan. U Alushta va Simferopol viloyatlarida bolalar bayramlarini tashkil qilishni boshlagan. U oxirgi taʼtilni hibsga olinishidan bir kun oldin 2019-yil 8-iyunda Alushta shahridagi Kutuzivka qishlogʻida oʻtkazgan.