Bahodirjon Shermuhammadov
Bahodirjon Shermuhammadov (10-iyun 1973-yil, Rishton tumani, Fargʻona viloyati, Oʻzbekiston SSR) — oʻzbekistonlik olim, pedagogika fanlari doktori (2016), professor. 2021-yildan Fargʻona davlat universiteti rektori.
| Bahodirjon Shermuhammadovich Shermuhammadov | |
|---|---|
 | |
| Tavalludi |
10-iyun 1973-yil Rishton, Fargʻona viloyati, Oʻzbekiston SSR |
| Fuqaroligi |
 Oʻzbekiston |
| Kasbi | Pedagog olim |
| Sohasi | Pedagogika |
| Taʼlimi | Toshkent davlat pedagogika instituti |
| Ilmiy darajasi | Pedagogika fanlari doktori |
| Ilmiy unvoni | Professor |
| Mukofotlari |
 |
Hayoti
tahrirBahodirjon Shermuhammadovich Shermuhammadov 1973-yil 10-iyun Fargʻona viloyati Rishton tumanida tugʻilgan. Otasi Shermuhammad Mirzaolimov va onasi O‘lmasxon Mirzaolimova pedagog boʻlishgan.
Taʼlim
tahrir1990-yilda Rishton tumanidagi 2-maktabni tugatib, shu yili Toshkent davlat pedagogika institutining tarix fakultetiga oʻqishga kirib, 1995-yilda ushbu institutni bitiradi[1]. 2001-yilda Toshkent moliya institutini tugatgan[2]. 2007–2009-yillarda “Nizomiy” nomidagi Toshkent davlat pedagogika universiteti doktoranti
Faoliyati
tahrir1996–2002-yillar Toshkent davlat pedagogika universiteti yoshlar tashkiloti rahbari; 2002–2007-yillarda Toshkent shahri, Yakkasaroy tumani hokimligida bo‘lim boshlig‘i; 2009–2011-yillarda Toshkent to‘qimachilik va yengil sanoat instituti ma’naviy-ma’rifiy ishlar bo‘yicha prorektori; 2011–2017-yillarda Vazirlar Mahkamasining Ta’lim, ilm-fan va yoshlar siyosati masalalari axborot tahlil departamenti xodimi; 2017–2018-yillarda Ma’naviyat va ma’rifat markazi rahbarining o‘rinbosari; 2018–2019-yillarda O‘zbekiston Respublikasi Prezidenti administratsiyasi milliy qadriyatlar, ma'naviyat va ma'rifatni o‘rganish hamda rivojlantirish shoʻbasi bosh konsultanti; 2019–2021-yillarda Oliy va o‘rta maxsus ta'lim vazirining yoshlar, ma'naviyat va ma'rifat masalalari bo‘yicha o‘rinbosari vazifasida ishlagan[3][4].
2021-yildan Fargʻona davlat universiteti rektori[5][6].
Ilmiy faoliyati
tahrirBahodirjon Shermuhammadov ilmiy ishlari yoshlar orasida milliy g‘oya targ‘iboti samaradorligini oshirishning ustuvor yo‘nalishlari va ijtimoiy-pedagogik xususiyatlarini ochib berish, milliy g‘oya targ‘iboti samaradorligini oshirish mezonlari va ko‘rsatkichlarni aniqlashtirish hamda pedagogik mexanizmlarini takomillashtirish, shuningdek, bu sohaning pedagogik monitoringini ishlab chiqish va amaliy-texnologik tizimini takomillashtirishga oid.
Bahodirjon Shermuhammadov 2006-yilda “Yoshlar ongiga milliy istiqlol g‘oyasini singdirishning pedagogik asoslari” mavzusida nomzodlik ishini himoya qilib, pedagogika fanlari nomzodi ilmiy darajasini, 2016-yilda pedagogika nazariyasi va tarixi, ta’limda menejment ixtisosligi bo‘yicha “Yoshlar orasida milliy g‘oya targ‘iboti samaradorligini oshirish” mavzusida doktorlik dissertatsiyasini himoya qilib, pedagogika fanlari doktori ilmiy darajasini olgan. Bahodirjon Shermuhammadov 3 ta monografiya, 4 ta darslik, 60 ga yaqin ilmiy maqolalar muallifi[1].
Mukokofotlari
tahrir- “Oʻzbekiston belgisi” koʻkrak nishoni (2008-yil)[1].
Manbalar
tahrir- ↑ 1,0 1,1 1,2 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342-bet.
- ↑ „ШЕРМУХАММАДОВ Баходиржон Шермухаммадович“.
- ↑ „Oliy va o‘rta maxsus ta'lim vaziriga yangi o‘rinbosar tayinlandi“ (2019-yil 12-noyabr).
- ↑ „Баходиржон Шермухаммадов назначен замглавы Минвуза“ (2019-yil 13-noyabr).
- ↑ „Fargʻonadagi 2ta OTMga yangi rektor tayinlandi“ (2021-yil 11-iyun).
- ↑ „2 ta OTMga rektor tayinlandi“ (2021-yil 11-iyun). 2023-yil 22-iyulda asl nusxadan arxivlangan. Qaraldi: 2023-yil 22-iyul.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |