Farruh Zokirov
Farruh Karimovich Zokirov (16-aprel 1946-yil) – taniqli oʻzbek va sovet estrada qoʻshiqchisi, bastakor va aktyor. 1976-yildan beri „Yalla“ vokal-cholgʻu guruhi rahbari. Farruh Zokirov bir vaqtning oʻzida 9 davlatning Xalq artisti va Oʻzbekiston Davlat mukofoti laureati hisoblanadi. 2002-yilning mayidan to 2004-yilning iyuligacha Oʻzbekiston Madaniyat vaziri oʻrinbosari lavozimida faoliyat yuritgan[1].
Farruh Zokirov | |
|---|---|
 | |
| Tavalludi |
16-aprel 1946-yil |
| Janrlar | Folk-rock, pop |
| Faoliyat yillari | 1969-bugun |
| Guruhlari | Yalla |
| Fuqaroligi | Oʻzbekiston |
| Amplua | Qoʻshiqchi, bastakor, aktyor |
| Mukofotlari |
   Andoza:Dostik ordeni |
Tarjimai holi
tahrirFarruh Zokirov 1946-yilning 16-aprelida Toshkent shahrida professional musiqachilar oilasida dunyoga kelgan[2]. Uning otasi Oʻzbekiston SSR xalq artisti Karim Zokirov – opera qoʻshiqchisi va Alisher Navoiy nomidagi Oʻzbek davlat opera va balet teatri solisti, onasi ham milliy qoʻshiqlarni ijro etuvchi qoʻshiqchi va Muqimiy nomidagi Toshkent drama va komediya musiqali teatri salisti boʻlgan. Farruhning ota-onasi Moskva konservatoriyasida tahsil olib yurishganlarida turmush qurishgan[2]. Oilada oltita farzand, beshtasi oʻgʻil: Botir, Naufal, Jamshid, Farruh, Ravshan va bir qiz: Luiza Zokirovalar dunyoga kelishgan. Ushbu bolalar umumiy olganda mehmondoʻst oilada voyaga yetishgan. U davrlarda Zokirovlar xonadoniga oʻsha vaqtning taniqli saʼnat arboblari tez-tez tashrif buyurib turishgan. Ushbu holat bolalarda yoshliklaridan sanʼatga mehr erta uygʻonishiga katta turtki boʻlgan va bu voqea Toshkentda musiqa va teatr sohasida yetakchi Zokirovlar sulolasi vujudga kelishiga ham sabab boʻlgan.
Farruh Zokirov 1969-yilda Toshkent davlat konservatoriyasining xor dirijyorligi fakultetini tamomlagan.
Oʻsha yili ukasi Ravshan bilan birga Toshkent teatr va rassomlik instituti (TTTI) talabalari tomonidan tuzilgan „TTHI“ havaskor vokal-cholgʻu ansambliga (VIA) aʼzo boʻlib, 1970-yildan boshlab VIA „Yalla“ nomi bilan mashhur boʻlgan.
1976-yilda Farruh Zokirov sovet va oʻzbek vokal-instrumental „Yalla“ ansamblining badiiy rahbari boʻlgan, uning rahbarligida VIA xalq eʼtirofiga sazovor boʻlgan. Ansambl hali ham dunyoning koʻplab mamlakatlarida: Rossiya, Qozog'iston, Gruziya, Amerika, Isroil va Ukraina gastrollarida juda mashhur.
Shaxsiy hayoti
tahrirBirinchi turmush oʻrtogʻi Nargiz Bayxonova (1949 – 2017-yil 23-aprel), „Yalla“ oʻzbek vokal va cholgʻu ansambli solisti (1974–1983).
Oʻgʻli Said Zokirov. Angliya va AQShda xalqaro huquq boʻyicha tahsil olgan. Tadbirkorlik bilan dastlab Oʻzbekistonda, hozirda esa Moskvada shugʻullanadi.
Ikkinchi turmush oʻrtogʻi – Anna (1967-yilda tugʻilgan), millati rus. Ular 1986-yilda tanishgan va 1986-yilda oila qurishgan.
Asrab olingan oʻgʻil – Mixail (1985-yilda tugʻilgan), Annaning oʻgʻli. U ham AQShda oʻqigan, sugʻurta kompaniyasida ishlagan va Los-Anjelesda biznes bilan shugʻullangan.
Oilasi va yaqinlari
tahrir- Otasi – Karim Zokirov (1912 –1977) opera kuychisi, O'zbekiston SSR Xalq artisti.
- Turmush oʻrtogʻi – Anna Zokirova. Birinchi turmush oʻrtogʻi – Nargiz Boyxonova.
- Akasi – Botir Zokirov (1936 –1985), oʻzbek va sovet qoʻshiqchisi, yozuvchi, shoir, rassom va aktyor. Mamlakatda estrada sanaʼti asoschisi, Oʻzbekiston SSR Xalq artisti.
- Ukasi – Jamshid Zokirov (1949 –2012) sovet va oʻzbek aktyori, teleboshlovchi, Oʻzbekistonda Xizmat koʻrsatgan artist.
- Opasi – Luiza Zokirova, qoʻshiqchi.
- Jiyani – Nargiz Zokirova, Luiza Zokirovaning qizi, qoʻshiqchi.
- Jiyani – Javohir Zokirov, Gavhar Zokirovaning oʻgli, aktyor, qoʻshiqchi.
Filmografiyasi
tahrirAktyor
tahrir| Yil | Film | Rol | Izoh |
|---|---|---|---|
| 1978 | Toʻylar muborak (film) | Oʻzi | Kameo |
| 1980 | Kakie nashi godi! | Oʻzi | Kameo |
| 1989 | Tangalik bolalar | Oʻzi | Kameo |
| 2000 | Alpomish | ||
| 2003 | Taqdir | Davlat Zokirov | |
| Munis onam | Oʻzi | Kameo | |
| 200… | Maysara – super yulduz (Maysara – Super Zvezda) | myuzikl |
Mukofotlari
tahrir1991-yilning yozida SSSR Xalq artisti mukofotiga hujjat topshiradi, lekin shu yilning avgust oyida Moskvadagi qayta qurishga nisbatan uyushtirilgan noroziliklar tufayli bu mukofot Farruh Zokirovga berilishi ohirigacha koʻrib chiqilmagan. Shuningdek:
- Oʻzbekiston SSR Xalq artisti[3].
- Qoraqalpogʻiston Xalq artisti.
- Qozogʻiston Xalq artisti.
- Qirgʻiziston Xalq artisti.
- Tojikiston Xalq artisti.
- Ingushetiya Xalq artisti.
- 2023-yil Tatariston xalq artisti
- 2024-yil Boshqirdiston xalq artisti va Ozarbayjon Xalq artisti[4] mukofotlariga sazovor boʻlgan.
- 2017-yil 22-noyabrda Qirgʻizistonning „Doʻstlik“ ordeni berilgan.
- 2018-yil „Fidokorona xizmatlari uchun“ ordeni bilan mukofotlangan.
- 2023-yil 1-iyulda „El-yurt hurmati“ ordeni berilgan[5].
Havolalar
tahrir- Farux Zakirov: „Yalla“ – eto sostoyanie dushi" (intervyu)
- Volshebnaya lampa YaLLAdina (intervyu) (Wayback Machine saytida 2015-05-25 sanasida arxivlangan)
- Intervyu gazete „Trud“, № 179 ot 05.10.2002
 |
Vikiomborda Farrux Zokirov haqida turkum mavjud |
Manbalar
tahrir- ↑ „Kalendar Kazinforma“. 2015-yil 12-aprelda asl nusxadan arxivlangan. Qaraldi: 2012-yil 21-sentyabr.
- ↑ 2,0 2,1 Muzikalnoe obozrenie, 2015-12-08da asl nusxadan arxivlandi, qaraldi: 2016-01-07
- ↑ „„O‘zbekiston adabiyoti va san`ati" gazetasi 1987-yil 15-sentyabr kungi soni O‘zbekiston SSR Oliy Soveti Preziduimining 1987-yil 18-sentyabrdagi “Sh.Jurayev, F.K.Zakirov, F.Z.Qobulov, X.Lutfullayev, G‘.T.Yoqubov o‘rtoqlarga “O‘zbekiston SSR xalq artisti” faxriy unvoni berish to‘g‘risida”gi Farmoni Qaralgan sana=17.10.2024“ (http://press.natlib.uz/).
- ↑ [https://azertag.az/ru/xeber/rasporyazhenie_prezidenta_azerbaidzhanskoi_respubliki__o_prisvoenii_fkzakirovu_pochetnogo_zvaniya_narodnyi_artist-3107882 „Распоряжение Президента Азербайджанской Республики О присвоении Ф.К.Закирову почетного звания «Народный артист»“] (2024-yil 22-iyul). Qaraldi: 2024-yil 22-iyul.
- ↑ http://m.kun.uz/news/2017/11/22/farru-zokirov-kirgiziston-prezidenti-tomondan-takdirlandi
 |