Ildar Magdeev
Ildar Magdeev (ruscha: Магдеев, Ильдар; 1984-yil 11-aprelda tugʻilgan) – oʻzbekistonlik nafaqadagi futbolchi[1].
| Shaxsiy maʼlumot | |||
|---|---|---|---|
| Toʻliq ismi | Ildar Magdeev | ||
| Tavallud sanasi | 11-aprel 1984-yil | ||
| Tavallud joyi | Buxoro, Oʻzbekiston SSR | ||
| Boʻyi | 174 cm (5 ft 8 1⁄2 in) | ||
| Ampluasi | Yarim himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1999—2001 |
 Buxoro | 26 | (1) |
| 2002—2010 |
Paxtakor | 127 | (5) |
| 2011 |
 Tsindao Chjunnen | 11 | (0) |
| 2011 |
Paxtakor | 1 | (0) |
| 2012 |
Lokomotiv | 8 | (0) |
| 2013 |
Oqtepa | - | (0) |
| 2013 |
Dinamo | 10 | (-) |
| 2014 |
Oqtepa | - | (-) |
| Milliy terma jamoa | |||
| 2002—2012 | Oʻzbekiston | 23 | (0) |
| *Professional klublardagi gollari (ichki chempionat) | |||
Futbolchilik faoliyati
tahrirIldar 15 yoshida „Buxoro“ klubi tarkibida kattalar futbolida debyut qilgan. Bu klubdagi dastlabki ikki mavsumda u Oʻzbekiston chempionatida bor yoʻgʻi 2 ta oʻyinda maydonga tushgan boʻlsa, 2001-yilda 22 ta oʻyinda qatnashgan.
2002-yilda Magdeev oʻsha paytda mamlakatning soʻzsiz eng kuchli klubi boʻlgan „Paxtakor“ klubiga oʻtgan. 2002—2007 yillarda „Paxtakor“ Magdeev bilan ketma-ket olti marta „oltin dubl“ga erishgan, Oʻzbekiston chempionati va kubogini qoʻlga kiritgan. 2008—2010-yillarda uch marta kumush medal sohibi boʻlgan, 2009-yilda esa navbatdagi kubokni qoʻlga kiritgan.
2009 va 2010-yillarda u Rossiyaning „Rubin“[2] va „Ural“[3] jamoalarini qishki koʻrigiga borgan. 2011-yilda Xitoyning „Qingdao Zhongneng“ klubida oʻynagan. Vataniga qaytgach, „Paxtakor“ jamoasi bilan shartnoma imzolagan, ammo oʻyin amaliyotiga ega boʻlmadi va 2012-yilning yozida Toshkentning „Lokomotiv“ jamoasiga koʻchib oʻtgan[4]. Lokomotiv klubi tarkibida chempionatda bronza medallarini qoʻlga kiritgan. Keyingi mavsumda Toshkentning boshqa bir klubi, "Oqtepa"da birinchi ligada toʻp surgan[5]. Yozgi transfer oynasi vaqtida Samarqandning „Dinamo“ klubiga oʻtgan[6]. 2014-yilda yana „Oqtepa“ safida oʻynab, Oʻzbekiston kubogi chorak finaliga qadar yetib borgan[7].
Xalqaro faoliyati
tahrir2002-yilning 21-avgustida Ozarbayjonga qarshi oʻrtoqlik uchrashuvida Oʻzbekiston milliy terma jamoasi safida debyut qilgan[8].
Ildar 2004-yilgi Osiyo Kubogida qatnashgan, ikki oʻyinda, Turkmanistonga qarshi guruh bosqichida va Bahrayn bilan chorak finalda maydonga tushgan. 2007-yilda Osiyo Kubogi final turnirida ham terma jamoaga kiritilgan, biroq birorta ham oʻyinda maydonga tushmagan[9].
Terma jamoa tarkibidagi soʻnggi oʻyinini 2012-yilning 29-fevralida Yaponiyaga qarshi oʻtkazgan. Magdeev terma jamoada jami 23 ta oʻyin oʻtkazgan. Rasmiy oʻyinlarda terma jamoa safida gol ura olmagan, ammo 2009-yilning yanvarida Sankt-Peterburgning „Zenit“ klubi bilan sinov oʻyinida gol urgan[10].
Murabbiylik faoliyati
tahrir2021-yil Oʻzbekiston U-18 terma jamoasida bosh murabbiylik qilgan[11].
Yutuqlari
tahrir- Oʻzbekiston chempioni (6): 2002, 2003, 2004, 2005, 2006, 2007
- Oʻzbekiston kubogi sohibi (7): 2002, 2003, 2004, 2005, 2006, 2007, 2009
Xalqaro musobaqalar
tahrir- MDH chempionlar kubogi: (1) 2007
Havolalar
tahrir- ↑ „Жаҳон чемпионатида қатнашган, "Пахтакор" билан совринларни ютган Ильдар Магдеев ҳозир қаерда?“ (2024-yil 13-fevral).
- ↑ „Полузащитник сборной Узбекистана находится на просмотре в «Рубине»“. 12-avgust 2014-yilda asl nusxadan arxivlangan. Qaraldi: 11-avgust 2014-yil.
- ↑ „Полузащитник «Пахтакора» не подошел «Уралу»“. 24-sentabr 2015-yilda asl nusxadan arxivlangan. Qaraldi: 11-avgust 2014-yil.
- ↑ „«Пахтакор» покинули сразу пять игроков“. 12-avgust 2014-yilda asl nusxadan arxivlangan. Qaraldi: 11-avgust 2014-yil.
- ↑ „Ildar Magdeev yana oliy ligaga qaytishi mumkin“ (2013-yil 12-iyul).
- ↑ „Ildar Magdeev yana “Dinamo”ga qaytadi“ (2014-yil 21-iyul).
- ↑ „Кубок Узбекистана. Превью четвертьфинала“ (deadlink). 2014-yil 12-avgustda asl nusxadan arxivlangan. Qaraldi: 11-avgust 2014-yil.
- ↑ „FIFA U-20 World Cup • 28 Nov 2003 • 16:30 • Sharjah Stadium“ (2024-yil 14-fevral).
- ↑ „Shatskikh headlines Uzbek squad for AFC Asian Cup™“ (17/06/2007 00:38).
- ↑ „Zenit“ proigral uzbekskim futbolistam 0:1[sayt ishlamaydi]
- ↑ „O‘zbekistonlik yoshlar Misrda o‘tadigan “Arab Cup U-20” xalqaro turnirida ishtirok etadi“ (2021-yil 10-iyun).
Manbalar
tahrir- Ildar Magdeev National-Football-Teams.com saytida
- Ildar Magdeev Footballfacts saytida
- Ildar Magdeev Soccerway saytida
- Ildar Magdeev Transfermarkt saytida