Osiyo Olimpiya Kengashi

Osiyo Olimpiya Kengashi
Turi	Sport Federatsiyasi
Sanoat	Sport
Ishga tushgan sanasi	1982-yil
Joylashuvi	Quvayt
Prezidenti	Ahmad Al-Fahad Al-Ahmad As-Saboh
Vebsayti	ocaasia.org

Osiyo Olimpiya Kengashi (OOK) — Xalqaro Olimpiya Qoʻmitasi (XOQ) tan olgan, Milliy Olimpiya qoʻmitalaridan tashkil topgan, beshta qitʼalararo assotsiatsiyadan biri. Osiyo Olimpiya Kengashi — bu 45 ta mamlakatni oʻz ichiga qamrab olgan Osiyo mamlakatlarida Olimpiya harakatini boshqaruvchi organ hisoblanadi.

OOK — Osiyodagi MOQlari faoliyatini tashkil qilish, ishtirokchi mamlakatlarning xalqaro nufuzini koʻtarish, butun Osiyo qitʼasida sportni targʻib etish, shuningdek, yoshlarda jismoniy barkamollik, ahloqiy sifatlarini sport musobaqalari va sport tadbirlari orqali, oʻzaro hurmat, doʻstlik va halol oʻyin sifatlarini oshirish maqsadida tashkil etilgan Osiyo Olimpiya Kengashi, Osiyodigi mamlakat aʼzolarining sport faoliyatini muvofiqlashtiradi, muntazam ravishda Osiyo oʻyinlari (yozgi, qishki, sohil sporti, jang sanʼati va yopiq inshootlardagi Osiyo oʻyinlari) ni tashkil qilishni kafolatlaydi, shuningdek, Osiyo qitʼasida Olimpiya harakatini idealini targʻib qilishdagi bosh organ hisoblanadi. Osiyo Olimpiya Kengashi nafaqat hududiy oʻyinlar tashkilotchisi, balki xalqaro musobaqalar, aʼzo mamlakatlar oʻrtasida bahsli muammolar yuzaga kelganda, ularni koʻrib chiqish vakolatiga ega boʻlgan organdir. OOK ning bosh qarorgohi Quvaytda joylashgan.

OOK ning tashkil qilinish tarixi

Osiyo Olimpiya Kengashi tashkil qilinishi 1948-yili Londondagi 14-Olimpiya Oʻyinlari davomida, Osiyo mamlakatlari ishtrokchilari, Osiyo oʻyinlari sport assotsiatsiyasini tashkil qilish tashabbusi bilan chiqishdi. 1949-yil Nyu-Delidagi assambleyada Osiyo Oʻyinlari Federatsiyasi maqomi ostida tashkil qilindi. Osiyo Oʻyinlari Federatsiyasining 1981-yil 26-noyabrdagi yigʻilishida Osiyo Olimpiya Kengashi (OOK)ni tashkil qilishga kelishib olindi. Yigʻilish mobaynida OOKning Ustavi va asosiy tamoyillar qabul qilindi va 1982-yilda Nyu-Delidagi Osiyo oʻyinlaridan keyin kuchga kirishi tasdiqlandi. Rasmiy ravishda Osiyo Olimpiya Kengashi 1982-yil 16-noyabrda Nyu-Delidagi Bosh Assambleya davomida tashkil qilingan. Xuddi shu yili Osiyo Olimpiya Kengashi, Xalqaro Olimpiya Qoʻmitasi eʼtirofiga sazobor boʻldi. 34 ta davlat OOK ning birinchi aʼzo mamlakatlari sifatida qayd qilindi.

OOK ramzi

Osiyo Olimpiya Kengashi ramzi rasmiy ravishda 2006-yilning 2-dekabrida OOKning 25-Bosh Assambleyasida tasdiqlandi. U oʻzida qizil rangdagi 16 ta porlab turgan quyosh nurini, markazda oq rangdagi aylana, quyosh atrofida Ajdar va Lochin aks ettirligan, pastki qismda „Osiyo Olimpiya Kengashi“ yozuvi joylashtirilgan. Ajdar — Sharq va Janubiy-Sharqiy Osiyo xalqlari ramzi boʻlib, omad, boylik, muvaffaqiyat, davlat, mardlik, poklik, joʻshqinlik ramzi hisoblanadi. Lochin — togʻli hududlar ramzi boʻlib, Himolay, Janubiy va Markaziy Osiyo xalqlari ramzi hisoblanadi. U aniqlik, nafosat, kuch, ziyraklik, tezlik, iroda va chiidamlilik sifatlarini oʻzida mujassam etadi.

OOK shiori:

„Doimo olgʻa“ - "Ever onward"

OOK bayrogʻi

Osiyo Olimpiya Kengashi bayrogʻi Osiyo Olimpiya Kengashi emblemasi tikilgan oq matoni oʻzida namoyon etadi. Osiyo Olimpiya Kengashining barcha ramzlari OOK ning mulki hisoblanadi, ulardan Osiyo Olimpiya Kengashi Prezidenti ruxsatisiz foydalanish mumkin emas.

OOK aʼzo mamlakatlari

Quyida Osiyo Olimpiya Kengashiga aʼzo mamlakatlar koʻrsatilgan. Toʻrtinchi qatordagi birinchi yil Milliy Olimpiya qoʻmitasiga asos solingan yilini bildirsa, ikkinchisi Xalqaro Olimpiya Qoʻmitasi tomonidan tan olingan yilni bildiradi. Misol Oʻzbekiston Milliy Olimpiya qoʻmitasiga 1992-yil asos solingan, 1993-yil XOQ tomonidan tan olinilgan.

Osiyo Olimpiya Kengashiga aʻzo mamlakatlar

Mamlakat	Kod	Milliy Olimpiya qoʻmitasi	Tashkil topgan yil/ Tan olingan yil	Manba
Afgʻoniston	AFG	Afgʻoniston Milliy Olimpiya qoʻmitasi	1935/1936	[1]
Bruney	BRN	Bahrayn Olimpiya qoʻmitasi	1978/1979	[2]
Bangladesh	BAN	Bangladesh Olimpiya Assotsatsiyasi	1979/1980	[3]
Butan	BHU	Butan Olimpiya qoʻmitasi	1983	[4]
Bruney	BRU	Bruney Milliy Olimpiya Kengashi	1984	[5]
Kambodja	CAM	Kambodja Milliy Olimpiya qoʻmitasi	1983/1994	[6]
Xitoy Taypeyi	TPE	Xitoy Taypeyi Olimpiya qoʻmitasi	1960	[7]
KXDR	PRK	Koreya Xalq Respublikasi Olimpiya qoʻmitasi	1953/1957	[8]
Gonkong	HKG	Sports Federation and Olympic Committee of Hong Kong, China	1950/1951	[9]
Hindiston	IND	Hiundiston olimpiya Assotsatsiyasi	1927	[10]
Indoneziya Indoneziya	INA	Indoneziya Olimpiya qoʻmitasi	1946/1952	[11]
Iroq	IRQ	Iroq Milliy Olimpiya qoʻmitasi	1948	[12]
Eron	IRI	Eron Islom Respublikasi Milliy Olimpiya qoʻmitasi	1947	[13]
Yaponiya	JPN	Yaponiya Olimpiya qoʻmitasi	1911/1912	[14]
Iordaniya	JOR	Iordaniya Olimpiya qoʻmitasi	1957/1963	[15]
Qozogʻiston	KAZ	Qozoqiston Milliy Olimpiya qoʻmitasi	1990/1993	[16]
Koreya Respublikasi	KOR	Koreya Olimpya qoʻmitasi	1946/1947	[17]
Quvayt	KUW	Quvayt olimpiya qoʻmitasi	1957/1966	[18]
Qirgʻiziston	KGZ	Qirgʻiziston Milliy Olimpiya qoʻmitasi	1991/1993	[19]
Laos	LAO	Laos Milliy Olimpiya qoʻmitasi	1975/1979	[20]
Livan	LBN	Livan Olimpiya qoʻmitasi	1947/1948	[21]
Malayziya	MAS	Malayziya Olimpiya Kengashi	1953/1954	[22]
Maldiv	MDV	Maldiv orollari Olimpiya qoʻmitasi	1985	[23]
Mongoliya	MGL	Mongoliya Milliy Olimpiya qoʻmitasi	1956/1962	[24]
Myanma	MYA	Myanmar Olimpiya qoʻmitasi	1947	[25]
Nepal	NEP	Nepal Olimpiya qoʻmitasi	1962/1963	[26]
Ummon	OMN	Ummon Milliy Olimpiya qoʻmitasi	1982	[27]
Pokiston	PAK	Pokiston Olimpiya qoʻmitasi	1948	[28]
Falastin	PLE	Falastin Olimpiya qoʻmitasi	1995	[29]
Xitoy	CHN	Xitoy Xalq Respublikasi Olimpiya qoʻmitasi	1910/1979	[30]
Filippin	PHI	Fillipin Milliy Olimpiya qoʻmitasi	1911/1929	[31]
Qatar	QAT	Qatar Milliy Olimpiya qoʻmitasi	1979/1980	[32]
Saudiya Arabistoni ]	KSA	Saudiya Arabistoni Milliy Olimpiya qoʻmitasi	1964/1965	[33]
Singapur	SIN	Singapur Milliy Olimpiya qoʻmitasi	1947/1948	[34]
Shri Lanka	SRI	Shiri-Lanka Milliy Olimpiya qoʻmitasi	1937	[35]
Suriya	SYR	Suriya Olimpiya qoʻmitasi	1948	[36]
Tojikiston	TJK	Tojikiston Milliy Olimpiya qoʻmitasi	1992/1993	[37]
Tailand	THA	Tailand Milliy Olimpiya qoʻmitasi	1948/1950	[38]
Sharqiy Timor	TLS	Sharqiy Timor Milliy Olimpiya qoʻmitasi	2003	[39]
Turkmaniston	TKM	Turkmaniston Milliy Olimpiya qoʻmitasi	1990/1993	[40]
Birlashgan Arab Amirliklari	UAE	Birlashgan Arab Amirliklari Milliy Olimpiya qoʻmitasi	1979/1980	[41]
Oʻzbekiston	UZB	Oʻzbekiston Milliy Olimpiya qoʻmitasi	1992/1993	[42]
Vyetnam	VIE	Vietnam Olimpiya qoʻmitasi	1976/1979	[43]
Yaman	YEM	Yaman Olimpiya qoʻmitasi	1971/1981	[44]

Havolalar

OOK rasmiy sayti (Wayback Machine saytida 2018-09-06 sanasida arxivlangan)
Olympic.uz Olimpiyskiy Sovet Azii (Wayback Machine saytida 2012-12-25 sanasida arxivlangan)