Semyon Subbotin
Semyon Matveyevich Subbotin (asl familiyasi Sabsovich; 1889, Soroki, Bessarabiya viloyati – 1948, Toshkent) – oʻzbek sovet gigiyenisti, tibbiyot olimi, sogʻliqni saqlash tashkilotchisi, professor (1938).
| Semyon Matveyevich Subbotin | |
|---|---|
| Tavalludi |
1889-yil Soroki, Bessarabiya viloyati, Rossiya imperiyasi yoki Bessarabiya viloyati, Rossiya imperiyasi |
| Vafoti |
1948-yil Тoshkent, Oʻzbekiston SSR, SSSR |
| Fuqaroligi |
 Moldaviya ASSR |
| Ish joylari |
|
| Taʼlimi | Bazel universiteti |
Biografiyasi
tahrir1889-yilda Soroka shahrida don, un, non va tamaki bargini ishlab chiqarish va sotish bilan shugʻullanuvchi Moyshe Shimonovich Sabsovich oilasida tugʻilgan[1].
Bazel universitetining tibbiyot fakulteti bitiruvchisi (1914)[2]. Bessarabiya viloyatining Soroka shahrida tibbiy amaliyot bilan shugʻullangan[3]. „Subbotin“ taxallusi bilan 1917-yil fevral va oktabr inqiloblarida qatnashgan, 1918-yilda RKP (b) (Rossiya Kommunistik partiyasi (bolsheviklar)ga qoʻshilgan[4].
1917-yil fevral oyida Soroka shahar ishchi va askarlar deputatlari kengashining birinchi raisi etib saylangan[5][6].
1918-yil mart oyida Ruminiya tomonidan qoʻshib olingan Bessarabiyada partizan harakatida qatnashgan, soʻngra Dnestrning chap qirgʻogʻiga koʻchib oʻtgan. 1924-yilda Moldaviya ASSR tashkil etilishi bilan uning birinchi Sogʻliqni saqlash xalq komissari etib tayinlangan. Moldaviya ASSR rahbariyatidagi partiyaviy tozalashlardan soʻng Semyon Matveyevich Subbotin Toshkentga koʻchib kelgan va bu yerda 1930-yilda Oʻrta Osiyo universitetining tibbiyot fakultetida ijtimoiy gigiyena kafedrasini tashkil etib1933-yilgacha unga rahbarlik qilgan[7].
1933-1937-yillarda Oʻrta Osiyo universiteti tibbiyot fakulteti fiziologiya, patologiya va mehnat salomatligi kafedrasi professori (1935-yilda Toshkent tibbiyot institutiga aylantirilgan).
1936-yildan Toshkent tibbiyot institutining ijtimoiy gigiyena kafedrasida maktab gigiyenasi kursidan dars bera boshlagan.
1938-yilda Toshkent tibbiyot institutida bolalar va oʻsmirlar gigiyenasi kafedrasini tashkil qilib unga 1948-yilgacha rahbarlik qilgan.
Oʻzbekiston SSR Konstitutsiyasini ishlab chiqish boʻyicha loyiha komissiyasi aʼzosi, Toshkent shahar Kengashining sogʻliqni saqlash boʻlimi byurosi aʼzosi boʻlgan.
Manbalar
tahrir- ↑ Metricheskie zapisi dostupni na sayte evreyskoy genealogii JewishGen.org. Familiya v raznix dokumentax zapisana kak „Sabsovich“ i „Sapsovich“.
- ↑ „Кафедра гигиены детей, подростков и питания“. 2016-yil 22-avgustda asl nusxadan arxivlangan. Qaraldi: 2016-yil 8-avgust.
- ↑ Subbotin – volniy perevod familii Sabsovich.
- ↑ Kafedra gigieni detey, podrostkov i pitaniya (istoriya)
- ↑ „Политические пристрастия“. 2016-yil 19-avgustda asl nusxadan arxivlangan. Qaraldi: 2016-yil 8-avgust.
- ↑ „Rabotniki sorokskogo zdravooxraneniya“. 2022-yil 12-oktyabrda asl nusxadan arxivlangan. Qaraldi: 2022-yil 28-noyabr.
- ↑ „Мой Ташкент“. 2016-yil 25-avgustda asl nusxadan arxivlangan. Qaraldi: 2016-yil 8-avgust.