Bahodir Qurbonov (davlat arbobi)
Bahodir Nizomovich Qurbonov (Баҳодир Низомович Қурбонов, 1969-yil 29-iyul, Jizzax viloyati, Oʻzbekiston SSR, SSSR) – oʻzbek harbiy va davlat arbobi. 2019-yildan 2024-yilgacha Oʻzbekiston Respublikasi Mudofaa vaziri[1].
| Bahodir Nizomovich Qurbonov | |
|---|---|
 | |
 | |
|
Mansab davri 2024-yil 23-noyabrdan | |
| Prezident | Shavkat Mirziyoyev |
| Oʻtmishdoshi | Abdusalom Azizov |
| Oʻzbekiston Respublikasi Mudofaa vaziri | |
|
Mansab davri 2019-yil 11-fevraldan – 2024-yil 23-noyabr | |
| Prezident | Shavkat Mirziyoyev |
| Oʻtmishdoshi | Abdusalom Azizov |
| Vorisi | Shuhrat Xolmuhammedov |
| Shaxsiy maʼlumotlari | |
| Tavalludi |
29-iyul 1969-yil Jizzax viloyati, Oʻzbekiston SSR |
| Fuqaroligi |
 Oʻzbekiston |
| Mukofotlari |
 |
| Xizmat yillari | 1987-yildan |
| Unvoni | General-polkovnik |
Tarjimai hol
tahrirBahodir Qurbonov 1969-yil 29-iyulda Jizzax viloyati Zomin tumanida tugʻilgan. 1987—1989-yillarda harbiy xizmatni oʻtagan. 1990-yilda Oʻzbekiston IIV Oliy tergov maktabiga, 1992-yilda esa Oʻzbekiston IIV Oliy maktabiga oʻqishga kirdi[2].
1994—1996-yillarda Jizzax IIO tergov boʻlimida avval tergovchi, soʻngra katta tergovchi boʻlib ishlagan. 1996-yilda Jizzax viloyati IIB Korrupsiya, reket va terrorizmga qarshi kurashish boʻlimining noqonuniy valyuta operasiyalariga qarshi kurashish boʻlimi tezkor xodimi lavozimiga ishga oʻtgan. 1997—1998-yillarda Jizzax viloyati IIB Korrupsiya, reket va terrorizmga qarshi kurashish boʻlimi 1-boʻlimi tezkor xodimi lavozimida ishlagan. 1998-yilda Jizzax viloyati IIB Korrupsiya, reket va terrorizmga qarshi kurashish boʻlimi 2-boʻlimi katta tergovchisi lavozimiga tayinlangan. 1999-yilda Jizzax viloyati IIB Korrupsiya, reket va terrorizmga qarshi kurashish boʻlimi 3-boʻlimi katta tergovchi, shuningdek, Jizzax viloyati, Jizzax tumani IIB Jinoyat qidiruv boʻlimi tergovchisi lavozimlarida ishlagan. Shu yili Jizzax viloyati IIB Korrupsiya, reket va terrorizmga qarshi kurashish boʻlimi 3-boʻlim boshligʻi oʻrinbosari lavozimiga tayinlangan. 2001-yildan Jizzax viloyati IIB Korrupsiya, reket va terrorizmga qarshi kurashish boʻlimi 2-boʻlim boshligʻi oʻrinbosari, bundan tashqari, Jizzax viloyati IIB Jinoyat qidiruv va terrorizmga qarshi kurashish boʻlimi boshligʻi oʻrinbosari sifatida faoliyat yuritib keldi.
2002-yilda Jizzax viloyati Jizzax tumani IIO boshligʻi lavozimiga tayinlangan. 2005-yilda Jizzax viloyati Gʻallaorol tumani ichki ishlar boʻlimi boshligʻi lavozimiga oʻtgan. 2008-yilda Oʻzbekiston Respublikasi Ichki ishlar vazirligi patrul-post xizmati bosh boshqarmasi boshligʻining birinchi oʻrinbosari lavozimida ishlagan. Shu yili Namangan viloyati IIB boshligʻi lavozimiga tayinlangan.
2013-yil 24-dekabrdan 2015-yil 27-dekabrgacha Oʻzbekiston Respublikasi ichki ishlar vazirining oʻrinbosari — jamoat xavfsizligi xizmati boshligʻi lavozimida ishlagan[3]. 2015-yilda Toshkent shahar Ichki ishlar bosh boshqarmasi boshligʻi lavozimiga tayinlangan[4]. 2017-yil 14-yanvarda unga general-mayor unvoni berilgan. 2018-yil 12-fevraldan 2019-yil 11-fevralgacha Toshkent harbiy okrugi qoʻmondoni lavozimida ishladi[5].
Oʻzbekiston Prezidentining 2019-yil 11-fevraldagi farmoni bilan Bahodir Qurbonov Oʻzbekiston mudofaa vaziri etib tayinlandi[6].
2024-yil 23-noyabr kuni Abdusalom Azizov oʻrniga Oʻzbekiston Respublikasi Davlat xavfsizlik xizmati raisi etib tayinlandi va unga general-polkovnik harbiy unvoni berildi[7][8].
2020-yil 15-avgustdan Oʻzbekiston aralash yakkakurashlar assotsiatsiyasi (MMA) raisi boʻlib ishlamoqda[9].
Manbalar
tahrir- ↑ uza.uz. „Ўзбекистон Миллий ахборот агентлиги - расмий хабарлар, тезкор янгиликлар, таҳлилий-танқидий материаллар, қонун ҳужжатлари, фото ва видеорепортажлар“ (uz). Uza.uz (1621784472). 2021-yil 21-mayda asl nusxadan arxivlangan. Qaraldi: 2021-yil 23-may.
- ↑ „Наша гордость“. 2019-yil 3-aprelda asl nusxadan arxivlangan. Qaraldi: 2019-yil 23-aprel.
- ↑ „Назначены заместители министра внутренних дел Узбекистана“ (ru). NBU. 2021-yil 16-iyunda asl nusxadan arxivlangan. Qaraldi: 2021-yil 23-may.
- ↑ „Баходир Курбанов стал начальником ГУВД города Ташкента“ (ru). https://uznews.uz. 2021-yil 23-mayda asl nusxadan arxivlangan. Qaraldi: 2021-yil 23-may.
- ↑ „Генерал-майор Баходир Низамович Курбанов покинул пост начальника ГУВД Ташкента“ (ru). Новости Узбекистана. 2019-yil 23-aprelda asl nusxadan arxivlangan. Qaraldi: 2021-yil 23-may.
- ↑ „Баходир Курбанов назначен новым Министром обороны“ (ru). www.xabar.uz. 2021-yil 23-mayda asl nusxadan arxivlangan. Qaraldi: 2021-yil 23-may.
- ↑ „Bahodir Qurbonov DXX raisi etib tayinlandi“.
- ↑ „Bahodir Qurbonov O‘zbekiston DXXning yangi raisi etib tayinlandi“.
- ↑ „Триатлон федерациясига Хавфсизлик кенгаши котиби, ММА ассоциациясига эса мудофаа вазири раис бўлди“ (uz). Kun.uz. 2021-yil 23-mayda asl nusxadan arxivlangan. Qaraldi: 2021-yil 23-may.