Bahrom Abduhalimov
Bu maqolada manbalar <ref></ref> teglariga olinmagan yoki umuman koʻrsatilmagan. |
Bu maqola oʻzbek tilining imlo qoidalariga muvofiq yozilmagan. Qarang: VP:ORFO. |
Bahrom Abdurahimovich Abduhalimov (1959-yil 27-fevral, Toshkent shahri) – oʻzbek siyosiy va fan arbobi. Filolog va sharqshunos-arabshunos olim, tarix fanlari doktori, professor, arab mamlakatlari va Markaziy Osiyo tarixi boʻyicha mutaxassis. 2017-yildan Oʻzbekiston Respublikasi fanlar akademiyasi vitse-prezident, shu bilan birga, 2020-yildan Adolat sotsial-demokratik partiyasi raisi. 2024-yil 20-yanvarda Adolat sotsial-demokratik partiyasi siyosiy kengashi raisi lavozimidan ozod etildi[1].
| Bahrom Abdurahimovich Abduhalimov | |
|---|---|
| Fayl:Baxram Abduraximovich Abduxalimov (cropped).jpg | |
 partiyasi raisi  | |
|
Mansab davri 2020-yil 23-oktyabrdan – 2024-yil 20-yanvargacha | |
| Prezident | Shavkat Mirziyoyev |
| Bosh vazir | Abdulla Aripov |
| Oʻtmishdoshi | Narimon Umarov |
| Vorisi | Robaxon Mahmudova |
| Shaxsiy maʼlumotlari | |
| Tavalludi |
27-fevral 1959-yil Toshkent shahri, Oʻzbekiston SSR, SSSR |
| Fuqaroligi |
 SSSR→ Oʻzbekiston |
| Millati | oʻzbek |
| Siyosiy partiyasi | Sovet Ittifoqi Kommunistik Partiyasi |
| Taʼlim | Toshkent davlat universiteti |
| Kasbi | sharqshunos, filolog, tarixchi |
| Dini | Islom |
| Ilmiy unvoni | Dotsent,Tarix fanlari doktori |
| Mukofotlari |
 |
.jpg){kind=link}
2021-yilgi navbatdagi Prezident saylovida Adolat sotsial-demokratik partiyasidan Oʻzbekiston Respublikasi Prezidentligiga nomzod.
Tarjimai hol
tahrir1959-yilda Toshkent shahrida tavallud topgan. Millati oʻzbek. 1981-yilda Toshkent Davlat universitetining sharqsunoslik fakultetini tamomlagan. Keyinchalik tarix fanlari doktori, professor boʻldi.
Sovet Ittifoqi Kommunistik Partiyasi aʼzosi boʻlgan. 1981—1983-yillarda SSSRning Tripolidagi (Liviya) elchixonasida arab tili tarjimoni boʻlib ishlagan. 1983—1985-yillarda Oʻzbekiston SSR qishloq xoʻjaligi vazirligining „Xorijiy davlatlar bilan ilmiy-texnikaviy hamkorlik“ boshqarmasi yatakchi xodimi boʻlgan. Yaqin sharq, Janubiy Osiyo va Yevropa mamlakatlariga tez-tez xizmat safarlariga borib turgan.
1985-yildan 2003-yilgacha Toshkent davlat sharqshunoslik institutida kichik ilmiy xodim, soʻngra ilmiy xodim va ilmiy kotib lavozimlarida faoliyat olib borgan. Sharqshunoslik institutida ishlagan soʻngi ikki yil davomida direktorning ilmiy ishlari boʻyicha oʻrinbosari boʻlgan. Keyin tarix fanlari doktori, professor boʻldi.
1994-yilda nomzodlik dissertatsiyasini, 2001-yilda esa doktorlik dissertatsiyasini muvaffaqiyatli himoya qildi. 1996-yilda Oksforddagi (Buyuk Britaniya) Imom al-Buxoriy nomidagi Islom tadqiqotlar markazining, 1997-yilda Buyuk Britaniyaning Chevening stipendiyalarini (Inglizcha Chevening Scholarship) qoʻlga kiritdi. 1997-yilda Buyuk Britaniya, Misr, Rossiya, Ukraina, Janubiy Koreya, AQSh, Germaniya kabi qator mamlakatlarda malaka oshirish kurslarini oʻtagan.
2003—2004-yillarda nufuzli Toshkent Xalqaro Vestminster universiteti prorektori lavozimida ishlagan. 2004—2006-yillarda Oʻzbekiston Respublikasi Fanlar akademiyasi Sharqshunoslik instituti direktori, 2006—2008-yillarda prezident Islom Karimovning xalqaro munosabatlar va din ishlari boʻyicha davlat maslahatchisi, 2008—2014-yillarda yana Milliy fanlar akademiyasi sharqshunoslik instituti direktori lavozimida ishlagan.
2011—2016-yillarda Oʻzbekiston fanlar akademiyasining ijtimoiy-gumanitar fanlar boʻyicha vitse-prezident, 2017-yildan to shu kungacha Oʻzbekiston Respublikasi fanlar akademiyasining ilmiy tadqiqotlar Sharqshunoslik instituti faxriy direktori va vitse-prezidenti lavozimlarida ishlab kelmoqda. Bahrom Abduhalimov Milliy fanlar akademiyasi vitse-prezidenti sifatida davlat dasturlari va ijtimoiy-gumanitar fanlari sohasida tadqiqotlarni shakllantirish, ularning monitoringi va ekspertiziyasini nazorat qilish, shuningdek, inovatsion tadqiqotlar va amaliy loyihalarning yuqori darajadagi poydevorlarini taʼminlashda ishtirok etadi. Shuningdek, ilmiy tadqiqot natijalarini amaliyotga tatbiq etish, fan va taʼlim tizimlari integratsiyasini kuchaytirish, yuqori malakali olimlar tayyorlash va bu jarayonda xalqaro ilmiy hamkorlikni jadallashtirishga qaratilgan ilmiy-tashkiliy ishlarni muvofiqlashtiradi. Fanlar akademiyasi tashkiliy qoʻmitasi aʼzosi sifatida vazirlik va idoralar bilan birga koʻplab ilmiy anjumanlarni tashkillashtirishda hamkorlik qiladi. Uning fanlar akademiyasida soʻngi yillarda amalga oshirgan salmoqli ishlaridan biri – Ummon sultonligi bilan hamkorlikda, muzokaralarda faol ishtirok etgan holda, Sharqshunoslik instituti uchun yangi bino qurilishi va foydalanishga topshirilishi boʻldi.
2020-yil oktyabr oyida Bahrom Abduhalimov Oliy Majlis Senatining prezident tomonidan tayinlangan senatori Narimon Umarovning oʻrniga Adolat sotsial-demokratik partiyasi siyosiy kengashi raisi (yaʼni partiya yetakchisi) etib saylandi.
Bir qator dissertatsiyalar, koʻplab maqolalar, monografiyalar, ilmiy ishlar va tadqiqotlar muallifi. Bahrom Abduhalimovning ilmiy izlanishlari natijalari asosida oʻzbek, ingliz, rus va arab tillarida 100 ga yaqin ilmiy maqola, monografiya va risolalar nashr etildi. U boshqa hammualliflar qatori jamoaviy ilmiy ishlari uchun Imom Buxoriy nomidagi Quvayt mukofoti bilan taqdirlangan. U oʻzbek tilidan tashqari, rus, arab, fors va ingliz tillarini biladi.
Bahrom Abduhalimov Adolat sotsial-demokratik partiyasi siyosiy kengashi raisi lavozimidan ozod etildi[1].
Oilali, rafiqasi pedagog. Uch nafar farzandi va nabiralari bor.
Mukofotlar
tahrir- "Mehnat shuhrati" ordeni
- Imon Buxoriy nomidagi Quvayt mukofoti
- Oksforddagi (Buyuk Britaniya) Imon al-Buxoriy nomidagi Islom tadqiqotlar markazining, 1997-yilda Buyuk Britaniyaning Chevening, Janubiy Koreyaning Koica stipendiyalarini egasi
Manbalar
tahrir- ↑ 1,0 1,1 „O‘zbekiston «Adolat» sotsial-demokratik partiyasi siyosiy kengashi raisi Bahrom Abduhalimov partiya siyosiy kengashi raisi lavozimidan ozod etildi.“ (kun.uz). 2024-yil 20-yanvarda asl nusxadan arxivlangan. Qaraldi: 2024-yil 20-yanvar.